Ата-аналарға баламен дұрыс, тиімді және сенімді қарым-қатынас орнатудың негізгі қағидаларын түсіндіру, баланың эмоционалдық және әлеуметтік дамуына ықпал ететін тілдік және мінез-құлықтық әдістерді көрсету, отбасыда жылы, қолдаушы орта қалыптастыру арқылы баланың өзін-өзі бағалауын арттыруға жағдай жасау.

Балабақшаның жылдық іс-жоспарына сәйкес 2026 жылдың 20 қаңтар күні тәрбиеші Надырбаева сандугаш Сериковна   «Ботақан»  ересек  тобында   «Мұражайға саяхат» атты тақырыпта  ашық ұйымдастырылған іс-әрекет өткізді. Мақсаты:  Балаларды мұражай қызметімен және ондағы мамандардың еңбегімен таныстыру. Балалардың сөздік қорына «мұражай, жәдігер, көрме, сурет» сияқты жаңа сөздер енгізу.

Балабақшада балалар мен ата-аналар арасындағы ынтымақтастықты нығайту, салауатты өмір салтын насихаттау мақсатында «Шаңырақ шаттығы» атты отбасылық спорттық сайыс "Ботақан" және "Қарлығаш" ересек топтар арасында өткізілді. Сайыс барысында ата-аналар мен балалар түрлі спорттық эстафеталарға қатысып, белсенділік пен ұйымшылдық танытты.   Іс-шара қызықты әрі тартысты өтіп, қатысушыларға көтеріңкі көңіл күй мен жағымды әсер сыйлады. 

"Адал азамат" бағдарламасының жоспары бойынша " Қаржылық сауаттылық бойынша сюжеттік –рөлдік ойындар шеруі" "Қарлығаш" ересек тобында  ұйымдастырылды.  Іс-шараның мақсаты – мектеп жасына дейінгі балалардың қаржылық сауаттылығын қалыптастыру, қарапайым экономикалық ұғымдарды меңгерту, күнделікті өмірде қаржыны дұрыс пайдалануға баулу. Іс-шара барысында балалар сюжеттік-рөлдік ойындар арқылы «Дүкен», «Шаштараз», «Кафе» сияқты жағдаяттарды сомдап, ақша айналымы, үнемдеу, еңбек пен табыс туралы

Мектепке дейінгі ересек жастағы балалардың қаржылық сауаттылығын қалыптастыру жоспары бойынша  тәрбиеленушілерге  «Тиін мен кірпі» ертегісі арқылы еңбекқорлық пен жомарттық, үнемділікке, дос болу, бөлісу, сараң болмау туралы ұғымдары түсіндірілді. "Қарлығаш" ересек тобы, тәрбиеші Тлеубердиева Баян. 

Ата-аналарға ойын арқылы баланың жан-жақты дамуын қамтамасыз етудің маңыздылығын түсіндіру, ойын әрекетінің баланың танымдық, тілдік, әлеуметтік және эмоциялық дамуына әсерін ашу, үй жағдайында жас ерекшелігіне сай дамытушы ойындарды тиімді ұйымдастыру жолдарын көрсету.

«Қысқы ертегі әлемі» – мұздан жасалған мүсіндер көрмесі Балабақшаның жылдық жоспар негізінде 2026 жылдың  21 қаңтар  күні барлық топтар арасында   «Қысқы ертегі әлемі» – мұздан жасалған мүсіндер көрмесі  өткізілді. Балалар қысқы ертегідей көріністерді тамашалап, шығармашылық қабілетін көрсетті. Іс-шара балалардың көңіл-күйін көтеріп, топтар арасындағы ынтымақтастықты нығайтты.

Балабақшаның жылдық жоспарына сәйкес балалардың қимыл-қозғалыс белсенділігін арттыру, қыс мезгіліндегі ойындар арқылы салауатты өмір салтын қалыптастыру мақсатында 2026 жылдың 14 қаңтарында «Аққала еліне саяхат» атты қысқы ойындар "Күншуақ" мектепалды тобында өткізілді. Іс-шара барысында тәрбиеленушілер қысқы тақырыптағы қимылды ойындарға, эстафеталарға қатысып, шапшаңдық, ептілік, ұйымшылдық қасиеттерін көрсетті. Ойындар балалардың жас ерекшеліктеріне сай ұйымдастырылды.

Мектепке дейінгі ұйым мен мектеп арасындағы сабақтастық жоспарына сәйкес "Күншуақ" мектепалды тобының тәрбиеленушілері С.Абланов атындағы орта мектеп кітапханасына саяхат жасады.  Саяхаттың мақсаты: Балаларды мектеп ортасымен таныстыру, кітапхана жұмысымен таныстыру және кітапқа деген қызығушылықтарын арттыру болды. 

Ата-аналарға балалардың ұсақ моторикасының дамуының маңыздылығы туралы түсінік беру, қол мен саусақ қимылдарын жетілдіру арқылы баланың жалпы дамуына, соның ішінде сөйлеу тілі мен танымдық қабілеттерінің қалыптасуына ықпал ету, үй жағдайында ұсақ моториканы дамытуға арналған тиімді әдіс-тәсілдерді ұсыну.