Балалардың музыкалық мәдениетін қалыптастыру, музыка сабағында өзін дұрыс ұстау ережелерін үйрету, музыканы тыңдау, орындау және қабылдау дағдыларын дамыту. Сонымен қатар, балаларды тәртіпке, ұйымшылдыққа және эстетикалық талғамға тәрбиелеу. 

Балалардың сезім мүшелері арқылы қоршаған ортаны тануын дамыту және сенсорлық дағдыларын жетілдіру.Балалардың түстерді, пішіндерді, көлемді, текстураларды ажыратуға үйрету, ұсақ моториканы және қол-қимыл үйлесімділігін жетілдіру.Сенсорлық тәжірибе арқылы ойлау, зейін, есте сақтау қабілеттерін дамыту.

Балаларға дұрыс тыныс алу дағдыларын үйрету, тыныс алу жаттығулары арқылы олардың денсаулығын нығайту және сөйлеу тілін дамыту. 

Балалардың ойын арқылы қоршаған ортаны тануына мүмкіндік беру, қиялын, шығармашылық қабілеттерін және ойлау дағдыларын дамыту. Әртүрлі ойын түрлері арқылы балалардың қызығушылығын арттыру, қарым-қатынас мәдениетін қалыптастыру және бірлесіп әрекет етуге үйрету. 

Ұлттық ойындар арқылы баланың ой-өрісін кеңейтумен қатар, қазақ халқының мәдени мұрасына қызығушылығын арттыру, ұлттық құндылықтарды құрметтеуге тәрбиелеу. 

Балалардың тілін дамыту, дыбыстарды дұрыс ажырату және еліктеу қабілеттерін қалыптастыру, үй жануарлары туралы білімдерін кеңейту. Сонымен қатар, ата-аналарға балалармен үй жағдайында дыбыстық ойындарды тиімді ұйымдастыру жолдарын көрсету, баланың есту, сөйлеу және ойлау дағдыларын ойын арқылы дамытуға бағыт беру. 

Балалардың қыс мезгілі туралы түсініктерін кеңейту, қимыл-қозғалыс белсенділігін арттыру және денсаулығын нығайту. Сонымен қатар, ойын арқылы балалардың ептілік, жылдамдық, төзімділік қасиеттерін дамыту, табиғатқа деген қызығушылығы мен сүйіспеншілігін қалыптастыру. 

Баланың жас ерекшелігіне сай тіл дамыту заңдылықтарын түсіндіру, сөйлеу тілін дамытуға ықпал ететін тиімді ойындар мен жаттығуларды көрсету. Ата-аналардың бала тілін дамытудағы рөлін күшейту, баланың сөздік қорын, байланыстырып сөйлеуін, дыбыстарды дұрыс айтуын дамыту жолдарын ұсыну.

Балалардың қоршаған ортаға деген танымдық қызығушылығын мақсатты серуен арқылы дамыту, бақылау, салыстыру, қорытынды жасау дағдыларын қалыптастыру. Ата-аналарға серуен кезінде баланың ойлау, сөйлеу және зерттеушілік қабілеттерін дамытуға арналған тиімді әдіс-тәсілдерді көрсету.

Ата-аналарға баламен дұрыс, тиімді және сенімді қарым-қатынас орнатудың негізгі қағидаларын түсіндіру, баланың эмоционалдық және әлеуметтік дамуына ықпал ететін тілдік және мінез-құлықтық әдістерді көрсету, отбасыда жылы, қолдаушы орта қалыптастыру арқылы баланың өзін-өзі бағалауын арттыруға жағдай жасау.