«Қарлығаш»  ересек тобында «Табиғат аясында» тақырыбында ұйымдастырылған іс-шара өткізілді. Шығармашылық бөлімде жапсыру бойынша «Күлімдейді күн маған» тақырыбында жұмыс жүргізілді. Балалар дайын пішіндерді пайдалана отырып, күннің бейнесін құрастырып жапсырды. Жұмыс барысында түстерді үйлестіру, пішіндерді дұрыс орналастыру және ұқыпты жұмыс жасау дағдылары жетілдірілді.

«Жаз да келді, көңілді» апталығында  «Күншуақ» мектепалды тобында балалардың салауатты өмір салты туралы түсініктерін қалыптастыру мақсатында  «Сүйкімді кірпі» тақырыбында танымдық іс-шара өткізілді. Мақсаты: балаларға   денсаулықты сақтаудың маңыздылығын түсіндіру, пайдалы және зиянды тағамдарды ажырата білуге үйрету, дұрыс тамақтану мәдениетін қалыптастыру.

Жаз да келді, көңілді» апталығында  «Балапан» ортаңғы тобында «Теңіздегі тіршілік» тақырыбында танымдық-шығармашылық іс-шара өткізілді. Мақсаты: тәрбиеленушілердің су әлемі туралы білімдерін кеңейту, теңіз жануарлары мен өсімдіктері туралы түсініктерін қалыптастыру, қоршаған ортаға деген қызығушылықтарын арттыру және шығармашылық қабілеттерін дамыту. Балалар   теңіздегі тіршілік иелерімен танысып, балықтар, дельфиндер, теңіз жұлдыздары, медузалар және басқа да су жануарлары туралы әңгімелесті.

«Жаз да келді, көңілді» апталығында «Ботақан» ересек тобында «Сабын көпіршіктері күні» атты көңілді ойын-сауық іс-шарасы өткізілді.  Шара барысында балалар сабын көпіршіктерінің пайда болу ерекшеліктерімен танысып, түрлі ойындар мен жарыстарға қатысты. Атап айтқанда, «Ең үлкен көпіршік», «Көпіршікті ұстап ал», «Көпіршіктер шеруі» сияқты ойындар ұйымдастырылды. Балалар сабын көпіршіктерін үрлеп, олардың әсемдігіне қызығушылық танытып, бір-бірімен достық қарым-қатынаста әрекет етті.

«Бақытты балалық шақ» апталығы аясында «Қарлығаш» ересек тобының тәрбиеленушілерімен тәрбиеші Баян Тастанбековна «Кәусар бұлақ» тақырыбында  іс-шарасы ұйымдастырды. Т әрбиеленушілер өз қалаулары бойынша ертегі кейіпкерлерінің образдарын таңдап, олардың мінез-құлқы мен іс-әрекеттерін бейнеледі. 

Бүгін балабақшада «Ботақан» ересек тобында экологиялық тәрбиеге бағытталған "Таза аула – таза қала" іс-шарасы аясында балалармен "Таза және лас судың айырмашылығын анықтау" тақырыбында танымдық тәжірибе жүргізілді.  Тәжірибенің мақсаты:  Балаларға судың тазалығының маңызын түсіндіру, лас және таза судың айырмашылығын көзбен көріп, салыстыру арқылы экологиялық сауаттылықты арттыру тәрбиеші: Муратбекова Сандугаш Сиезбековна

"Ас атасы - нан" апталығы, " Алтын дән" тақырыбында өткізілген іс шарада балалар ыдыстағы дәндерді түрлеріне қарап ажыратып әр ыдысқа бөлді. Дәндерді пайдаланып ермексазбен жұмыс жасады. Ересек топ " БОТАҚАН "

"Ойын ойнап ән салмай, өсер бала бола ма" апталығы "Жәндіктер әлемі" ," Қарлығаш " ересек топ тәрбиеленушілері серуен кезінде табиғаттағы жәндіктерді бақылады. Балабақшадағы серуен кезінде жәндіктерді бақылау – балалардың табиғатқа деген қызығушылығын арттырып, зерттеушілік қабілетін дамытатын өте пайдалы жұмыс.  – «Бүгін біз табиғаттағы кішкентай тіршілік иелері — жәндіктерді бақылаймыз. Олар қайда жасырынып жүреді екен?» Тәрбиеші Тлеубердиева Б.Т 

Ересек топ "Күншуақ".   "Ойын ойнап ән салмай, өсер бала бола ма" апталығы, " Ойланайық, балақай!" тақырыбындағы іс -шара. Қазір жылдың қай мезгілі? Жазда ауа райы қандай болады? Жазда қандай жемістер, көкөністер піседі? Жазда қайда серуендегенді ұнатасыңдар? Табиғатта не өзгереді? - балаларға сұрақтар қою арқылы жаз мезгілі туралы білімдерін, ойлау қабілетін, тіл байлығын және қызығушылығын дамыту. Ермексаздан жаз мезгілін бейнеледі.