Жыл қорытындысына орай, өзіне жүктелген міндетті адал атқарған еңбегі үшін балабақшамыздың аспазы Карнакбаева Гульмира  Бейсеналиевна Жамбыл облысы әкімдігінің білім басқармасы Байзақ ауданы білім бөлімінің алғыс хатымен  марапатталды. ҚҰТТЫҚТАЙМЫЗ !

Жаңа жыл - жыл бойы күтетін,Аяз ата мен Ақшақарға сеніп,ертегі мен ғажайыпқа толы ең сиқырлы, көңілді мереке. Меркеге сай  безендірілген зал, әсем шырша, сыйлықтар ерекше мерекелік көңіл-күй сыйлады. Жасыл шырша,Аяз Ата мен Ақшақар, қасқыр, түлкі, қоян, аю, балаларды  қуантқан біздің мерекенің кейіпкерлері.  Балалар би биледі, ән айтты, өлең оқыды, ата-аналар ойындар мен жарыстарға  қуана қатысты. Балалар Аяз Ата мен Ақшақардан   көптен күткен сыйлықтар алды.

Жаңа жыл мерекесі - жасыл шырша.жылтырлаған шамдар ілінген музыкалық залда өткізілді. Балалардың жыл бойы күткен қонақтары Аяз ата мен Ақшақар келді. Алыс жолдан шаршап келген Аяз ата балалардың өнерін тамашалап, қуанып қалды. Аяз атадан сыйлық алуға қасқыр, қоян,түлкі де келді. Орман жануарлары ата-аналармен ойын ойнап, жарыстарға қатысты. Балаларға мереке ұнап, мәз-мейрам болды. Аяз ата мереке соңында балалар мен  орман жануарлары көптеген сыйлықтар берді.

Мерекеге  "Балапан" тобының барлық балалары қатысты. Ақұлпа болып киінген қыздар Ақшақармен, кішкентай Аяз аталар үлкен Аяз атамен би биледі. Аяз атаға жаттаған тақпақтарын айтып берді. Ата-аналар балаларымен бірге ойын ойнап, жарыстарға қатысты. Барлық балалар Аяз атадан алған сыйлықтарына мәз болып, қуанып қалды.