Балабақша тәрбиешілерінің қолымен жасалған "Ғажайып сандық" ойыны. Ойынның мақсаты: балаларға ұлттық құндылықтарымызды ойын арқылы түсіндіріп, қызығушылықтарын арттыру.

Тақырыбы: «Мен ғарышкер боламын» Міндетті:  Ғарыш, ғарышкер туралы түсініктерін қалыптастыру; Шығармашылыққа баулу; Ата-ана мен балабақша арасындағы сабақтастықты арттыру; Қысқаша мазмұны: Балалар өздеріне керек емес дүниелерден көрме жасаған. Әр бала өзінің ойларын толық айтып ата-аналар көмегімен көрмелер жасаған.  Олар мақталар, қағаздардан, түрлі-түсті қарындаштардан, түрлі-түсті картондардан  өз қолдарымен көрме   дайындаған. 

12 Сәуір "Ғарышкерлер күніне" орай "Ботақан" тобында "Ғарыш әлеміне саяхат" атты тақырыпта ұйымдастырылған іс-әрекет өткізілді. Балаларға ғарыш, ғарыштық ұшулар, Қазақстанның тұңғыш ғарышкерлері туралы түсінік берді. Ойын тапсырмалар орындап, ғарыш әлеміне деген қызығушылықтарын арттырды. тәрбиеші: Акинбаева Сандуғаш Габитбековна

Аудандық сурет салу байқауына "Балапан" ортаңғы тобының тәрбиеленушісі Сейфатова Хаят қатысты. Жұмыс тақырыбы "Ғарыш әлемі", суретті салуда гуашьты пайдаланды. Жетекшісі Мархабаева Анар Жаксылыковна. "Қарлығаш" ересек тобынан Қоблан Ұлдана жетекшісі Тлеубердиева Баян Тастанбековна екеуі "Ғарыштағы зымыран" суретін салды. Байқауға қатысушы тәрбиеленушілерге сәттілік !!!

"Күншуақ" тобының балалары да   Наурыз тойын тойлады. Ата-аналар тәрбиешілерімен бірге дастархан жайып, қазақ халқының ертегілерін сахналап  көріністер қойды. Сонымен қоса, мерекеге орай дайындаған ән мен жыр, би мен күй ойналды. Жалпы балабақша ұжымы күн мен түн теңелетін көктемнің шуақты мерекесіне айрықша әзірленген.

Наурыз - көнеден келе жатқан мереке.  Наурыз мерекесінен балалар да шет қалмады. Ұлық мерекені балабақшадан атап өтудегі басты мақсат - салт-дәстүр, Наурыз құндылықтарын дәріптеу. Ата-аналар мен тәрбиешілер мерекені ұйымдастырып, балалармен бірге ұлттық ойындар ойнап, ән айтып, би биледі.  

Мақсаты: Балаларды мейірімділікке, ананың өлшеусіз еңбегін бағалауға үйрету. Анаға деген балалық махаббатын өз шығармаларында жырлай білу. Дүниедегі жақсылық атаулының бәрі де күннің нұрынан, ананың мейірімінен тарайтындығын түсіндіру.  Аналар "Кім тапқыр?" ойынында берілген мақал-мәтелдің жалғасын табу керек. Балалар аналарына ән -жыр, билерін арнады. 

Мақсаты: Өсімдіктерді бөлме жағдайында өсіру туралы түсініктерін қалыптастыру. "Күншуақ" ортаңғы тобының тәрбиешісі Халмуратова Зубайда Шариповна "Терезе алдындағы бақша" тақырыбында ұйымдастырылған іс-әрекет барысында балаларға жаңа өсімдікті тұқым сеуіп өсіруге болатындығын түсіндірді. Балалар пияз отырғызу, тұқым себуге белсенді қатысып, өз беттерінше жұмыс жасады.

Мақсаты: анаға деген сүйіспеншілік сезімдерін арттыру. Ананы құрметтеу, сылай білуге, балалардың бойындағы жеке қабілеттермен таланттарын дамыту, адамгершілікке, ізгілікке, достықты қастерлей білуге тәрбиелеу. Мерекеге келген аналарына арнап балалар өз өнерлерін көрсетті. Балалар өз қолдарымен жасаған ашық хаттарын аналарына сыйлады.

Мақсаты:  Балаларға аналар мерекесі туралы мағлұмат беру, аналарды сыйлауға, құрметтей білуге тәрбиелеу . Мерекелік көңіл – күй орнату. Балаларды ән салуға, би билеуге, түрлі іс — әрекеттерге тарту, бейімділіктерін арттыру. Шығармашылық ой — қиялдарының дамуына ықпал ету. Ата — аналар қауымымен тығыз қарым – қатынас қалыптастыру.